मलको अभाव नरहेको भनेर प्रधानमन्त्रीले किसानलाई झुक्याए: प्रभु साह

काठमाडौं । आम जनता पार्टी (आजपा)का अध्यक्ष प्रभु साहले मलको अभाव नरहेको भनेर प्रधानमन्त्री केपी शर्मा ओलीले किसानलाई झुक्याइएको आरोप लगाएका छन् ।

मंगलबार प्रतिनिधिसभाको बैठकमा बोल्दै उनले किसानले धान लगाएत बालीमा राख्न पर्याप्त मल नपाइरहेको अवस्थामा प्रधानमन्त्री ओलीले बजारमा मलको अभाव नरहेको भन्ने अभिव्यक्ति दिएर किसानलाई झुक्याइएको बताएका हुन् ।

उनले एकातिर किसानले मल नपाइरहेको र अर्कोतिर मल अभाव नरहेको भनेर प्रधानमन्त्रीले सार्वजनिक रुपमा भनिरहेको भनेर प्रश्न उठाएका हुन् ।

किसानले कालोबजारीको मल महंगोमा किन्न किसान बाध्य रहेको उनले बताए । किसानको समस्या पहिचान गरेर समाधान गर्न र कम्तीमा मल समयमै उपलब्ध गराउन उनको आग्रह छ ।