हात्तीवनमा नारायणकाजी श्रेष्ठ र उपेन्द्र यादवबीच भेटवार्ता, के-के भयो छलफल ?

काठमाडौं । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ र जनता समाजवादी पार्टी (जसपा) नेपालका अध्यक्ष उपेन्द्र यादव बीच भेटवार्ता भएको छ । पूर्व उपप्रधानमन्त्रीद्वयको श्रेष्ठ र यादवको भेटवार्ता आज बिहान हात्तीवनस्थित श्रेष्ठ निवासमा भएको हो ।

उक्त भेटवार्तामा अहिलेको देशको राजनीतिक परिस्थितिबारे छलफल भएको श्रेष्ठको सचिवालयले जनाएको छ ।

श्रेष्ठ र यादवबीचको भेटवार्तामा संघर्षशील शक्तिहरुले आफूलाई यथास्थितिमा नराखेर देशको अहिलेको परिस्थितिलाई सकारात्मक निकास दिन नयाँ पहलकदमी लिनुपर्ने आवश्यकताका बारेमा छलफल भएको श्रेष्ठको सचिवालयले जारी गरेको प्रेस नोटमा उल्लेख छ ।

भेटमा सबैले आ–आफ्ना कमजोरीका निम्ति आत्मालोचना गर्दै अहिलेको सन्दर्भमा एकताबद्ध भूमिकाको दिशामा कसरी अगाडि बढ्ने भन्नेमा ध्यान केन्द्रित गर्नुपर्नेबारे पनि छलफल भएको श्रेष्ठको सचिवालयले जनाएको छ ।