संवैधानिक परिषदको नियुक्ति सिफारिस सभामुख सापकाेटाद्वारा फिर्ता

काठमाडौं । सभामुख अग्निप्रसाद सापकोटाले संवैधानिक परिषदले संवैधानिक निकायहरुमा गरेको विवादास्पद नियुक्ति सिफारिस फिर्ता पठाएका छन् ।

सभामुख सापकोटाले आइतबार नियुक्ति सिफारिस संवैधानिक परिषद्मै फिर्ता पठाएका हुन् । संसदीय सुनुवाई गर्नसक्ने अवस्था नरहेकाे, आफूलाई जानकारी नै नदिई बैठक बसेर निर्णय गरेकाले सिफारिस फिर्ता पठाएका हुन् । 

गत पुस ३० गते बिहान बसेको संवैधानिक परिषद्को बैठकमा गणपुरक संख्या नपुगेपछि अध्यक्षसहित तीन सदस्य मात्र उपस्थित भएपनि बैठक बस्न सक्ने गरी संवैधानिक परिषद्सम्बन्धी अध्यादेश ल्याएर संवैधानिक निकायहरुमा सिफारिस गरिएकाे थियाे । त्यही दिन साँझ बोलाइएको परिषदको बैठकमा सभामुख सापकोटा र विपक्षी दलका नेता शेरबहादुर देउवा अनुपस्थित भएका थिए ।