मधेश प्रदेशका पूर्वप्रमुख अहिराजलाई थुनामा पठाउने आदेश

काठमाडौं । बलत्कार आरोपी मधेश प्रदेशका पूर्वप्रमुख राजेश अहिराज भन्ने राजेश झालाई पुर्पक्षका लागि थुनामा पठाउने आदेश भएको छ ।

जिल्ला अदालत काठमाडौंका न्यायाधीश पिताम्बर शर्माको इजलासले उनलाई पुर्पक्षका लागि थुनामा पठाउने आदेश जारी गरेको हो । उनीविरुद्ध एक महिलाले बलात्कार आरोपमा मुद्दा दर्ता गरेकी थिइन् ।

झामाथि पक्राउ परेको ९ दिनमै प्रहरीको अनुसन्धान प्रतिवेदनको आधारमा सरकारी वकिल कार्यालय काठमाडौंले काठमाडौं जिल्ला अदालतमा मुद्दा दायर गरेको थियो ।

४ जेठ २०८१ मा काठमाडौंको नयाँ बानेश्वरस्थित आफ्नै डेरामा अहिराजले बलात्कार गरेको भन्दै महिलाले दिएको उजुरीका आधारमा अहिराजलाई साउन ४ गते प्रहरीले पक्राउ गरेको थियो