आन्तरिक कुरा पार्टीभित्र गर्ने हो, बाहिर प्रचार गर्ने होइन: माधव नेपाल

काठमाडौं । नेकपा एकीकृत समाजवादीका अध्यक्ष माधव नेपालले पार्टीभित्र जथाभावी बोल्ने र अनुशासन तोड्नेको प्रतिवाद गर्नुपर्ने बताएका छन् । ४७औं पुष्पलाल स्मृति दिवसको अवसरमा आज (बुधवार) कीर्तिपुरमा आयोजित कार्यक्रमलाई सम्बोधन गर्दै अध्यक्ष नेपालले पार्टी पक्षपोषण गर्नुको सट्टा निराशा फैलाउने र अनुशासन तोड्न खोजिएकाले त्यसको प्रतिवाद गर्नुपर्ने बताएका हुन् ।

अध्यक्ष नेपालले भने, ‘पार्टीको पक्षपोषण गर्ने हो, पार्टीको विरुद्धमा कसैले निराशाको प्रचार गर्छ भने पार्टीका विरुद्धमा लाग्छ, जथाभावी बोल्छ, अनुशासन तोड्छ भने त्यसको प्रतिवाद गर्नुपर्छ । पार्टीलाई अनुशासनमा अघि बढाउन सके त्यसले जनतामा आशा जगाउँछ । ’ उनले आन्तरिक कुराहरू पार्टीभित्रै मिलाउनुपर्ने बताए ।

पूर्वप्रधानमन्त्रीसमेत रहेका अध्यक्ष नेपालले भने, ‘आन्तरिक कुरा पार्टीभित्र गर्ने हो । जनवादी केन्द्रियताको संगठनात्मक सिद्धान्त भन्दा अर्को वैज्ञानिक र क्रान्तिकारी व्यवहारिक सिद्धान्त आएको छैन ।’ पार्टीमाथि चुनौती आएको भनेर निराश हुन आवश्यक नरेहको पनि उनले बताए ।

‘सबै किसिमको चुनौतिको सामना गर्ने वैचारिक संघर्षसित जोडिएको कुरा होस्, संगठनात्मक निर्माणसँग जोडिएको होस्, आन्दोलनको मोर्चामा उत्रिनुपर्ने कुरा होस्’ उनले भने, ‘जस्तोसुकै चुनौतिको पनि सामना गर्ने यदी आँट, साामथ्र्य छ भने र त्यही उद्देश्यअनुरुप अघि बढिरहिन्छ भने सही विचार पनि प्राप्त गर्न सकिन्छ । संगठनालाई उचाईमा पु¥याउन सकिन्छ ।’