तीन न्यायाधीशको अनुमोदन अवरुद्ध, संसदीय सुनवाइ समितिले कानुन मन्त्रीसँग छलफल गर्ने

काठमाडौं । संघीय संसद अन्तर्गतको एक समितिको बैठक बस्दैछ ।

संघीय संसद सचिवालय, सिंहदरवारमा उक्त बैठक बस्नेछ ।

जसअनअुसार संसदीय सुनुवाइ समितिको बैठक बस्न लागेको हो, जुन बैठक बिहान ८ः०० बजे बोलाइएको छ ।

आजको बैठकमा समितिले कानून, न्याय तथा संसदीय मामिला मन्त्री अजय चौरसियासँग छलफल गर्नेछ भने सुनुवाइका लागि सिफारिस व्यक्तिहरुको सम्बन्धमा पनि थप छलफल हुनेछ ।

असार १३ गते संसदीय सुनुवाइ सकिएका ३ न्यायाधीशको अनुमोदन समितिले गरेको छैन । न्यायपरिषद सदस्यमा नियुक्ति सिफारिस भएका महेशप्रसाद नेपालको पनि स्ुनुवाइ सकिएको १० दिनसम्म अनुमोदन हुनसकेको छैन ।

गएको जेठ २७ गते न्यायपरिषदले सर्वोच्च अदालतको रिक्त न्यायाधीश पदमा मेघराज पोखरेल, श्रीकान्त पौडेल र शान्तिसिंह थापाको नियुक्ति सिफारिस गरेको थियो । जसको सुनुवाइ सकिएको १० दिन बितिसक्दा पनि समितिले अनुमोदन नगरी अड्काएर राखेको छ ।