सवा घण्टा ढिलो गरी सुरु भयो कांग्रेस केन्द्रीय समिति बैठक

काठमाडौँ । नेपाली कांग्रेसको केन्द्रीय समिति बैठक केही समय ढिलो गरी सुरु भएको छ ।

सोमबार देखि केन्द्रीय कार्यालय सानेपामा जारी बैठकको आज चौथो दिनको बैठक सवा घण्टा ढिलो गरी सुरु भएको हो । साढे १२ बजेका लागि बोलाइएको बैठक पौने दुई बजे बसेको बताइएको छ ।

बैठकमा १०० दिने अभियानका प्रतिवेदन, केन्द्रीय नीति, अनुसन्धान तथा प्रशिक्षण प्रतिष्ठानको निर्देशिका संशोधन र प्रतिष्ठानको प्रतिवेदन, अनुशासन समितिको प्रतिवेदन, क्रियाशील सदस्यता नवीकरण प्रगति विवरण, भ्रातृ संस्थाबारे छलफल भइरहेको छ।

यस्तै संसद् तथा सरकारमा पार्टीको भूमिका र समसामयिक विषयमा पनि धारणा राख्ने क्रम चलिरहेको मुख्य सचिव पौडेलले बताए।