नेप्सेमा झिनो अङ्कको गिरावट

काठमाडौं । सातको तेस्रो दिन मङ्गलवार नेप्से परिसूचक झिनो अङ्कले ओरालो लागेको छ । अघिल्लो कारोबार दिन अर्थात सोमबार सामान्य अङ्क बढेर बन्द भएको नेप्से, आज भने करिब स्थिर रहेको हो ।

मङ्गलवार नेप्से परिसूचक ०.२२ अङ्क घटेर २६००.५३ विन्दुमा बन्द भएको छ । त्यस्तै, सेन्सेटिभ इण्डेक्स ०.१० अङ्क बढेको छ भने फ्लोट इण्डेक्स ०.०९ अङ्क र सेन्सेटिभ फ्लोट इण्डेक्स ०.१८ अङ्क बढेको छ ।

नेप्सेसँगै कारोबार रकम पनि घटेको छ । सोमबार करिब साढे ६ अर्बको शेयर खरिदबिक्री भएको बजारमा मङ्गलवार ३१६ स्टकको ६२ हजार ७५५ पटकको कारोबारमा ५ अर्ब ७६ करोड ७८ लाख ९५ हजार रुपैयाँबराबरको १ करोड ३८ लाख १८ हजार कित्ता सेयर खरिदबिक्री भएको छ ।