ओली रणनीति: नियुक्तिको प्रलोभन दिदै प्रचण्ड-माधव समुहका नेता-कार्यकर्ता तान्दै

काठमाडौ । असम्बैधानिक रुपमा प्रतिनिधिसभा बिघटन गरेका प्रधानमन्त्री केपी ओलीले बिभिन्न प्रलोभन दिदै लोभीपापीहरुलाई आफ्नो समुहमा भित्र्याउने क्रमलाई अगाडि बढाएका छन् ।

ओलीको कदमको विरुद्ध सडकमै उत्रिएका प्रभु साह, गौरीशन्कर चौधरी, मणिचन्द्र थापालाई शाही शैलीमा मन्त्री बनाएका ओलीले पुर्व माओवादीतर्फका नेता तान्न पद र पैसा जे जे हुन्छ त्यही त्यही दिने आश्वासन दिने गरेका छन् । यसैक्रममा शनिबार चित्रबहादुर केसी नेतृत्वको रास्टिय जनमोर्चाबाट माओवादी केन्द्र प्रवेश गरेका बाग्लुङका लीलबहादुर थापालाई खेलकुद परिषदमा नियुक्ति दिने आश्वासन दिएर ओली समुहमा भित्र्याएको खुलासा भएको छ ।

पुर्व लडाकुको आवरणमा थापाहरु प्रधानमन्त्रीको सरकारी निवास बालुवाटारमा पुगेर ओलीको प्रतिगमनलाई साथ दिने कसम खान पुगेका छन् । मसालको राजनीतिक पृष्ठभुमि भएका थापाले खेलकुद परिषदको सदस्य सचिवका लागि आवेदन दिएका थिए । तर ओलीले आफना गुटका बफादार रमेश सिलवाललाई नै बनाएपछि उनको नियुक्ति हुने सपना तुहिन पुगेको थियो । ओलीले उनको नियुक्तिको चाहनालाई बुझेर सिलवाललाई केही समयपछि अन्यत्रै लाने र उनलाई नियुक्ति गर्ने आश्वासन दिएपछि उनी ओलीको प्रतिगमनलाई साथ दिन पुगेका छन् ।