नेकपा प्रचण्ड-माधव समूहको स्थायी समिति बैठक बस्दै, ओलीलाई पार्टीबाटै निस्कासन गर्ने

काठमाडौं । नेपाल कम्युनिष्ट पार्टी (नेकपा) प्रचण्ड-माधव समूहको स्थायी समिति बैठक आज बस्दैछ । बैठकले प्रधानमन्त्री केपी शर्मा ओलीलाई पार्टीबाट निस्कासन गर्नेछ । गएको पुस ५ गते असंवैधानिक रुपमा प्रतिनिधिसभा बिघटन गरेपछि प्रधानमन्त्री ओलीलाई नेकपाले स्पष्टीकरण सोधेको थियो । ओलीले पार्टीको अनुशासन र विधि विधान विपरीत काम गरेको भन्दै स्पस्टीकरण साधिएकोेमा उनले  स्पस्टीकरणको जवाफ दिन इन्कार गरेका कारण पार्टीबाटै निष्कासन गर्न लागिएको वताइएको छ ।

ओलीले असंवैधानिक रुपमा प्रतिनिधिसभा बिघटन गरेपछि नेकपा विभाजन भएको छ । तर कानुनी रुपमा निर्वाचन आयोगले नेकपा विभाजनको निर्णय गर्न बिलम्ब गरिरहेको छ ।

नेकपालाई ३ बर्षअघि मतदाताले दुईतिहाई बहुमत दिए पनि ओलीको सनकका कारण प्रतिनिधिसभा बिघटन गर्दा लोकतन्त्र, संघीयता र संविधानमाथि नै संकट आएको छ । त्यसका बिरुद्ध नेकपा प्रचण्ड माधव समूह आन्दोलनमा छ । शुक्रबार काठमाडौंमा ठूलो बिरोध प्रदर्शन गरेपछि उत्साहित भएको प्रचण्ड-माधव समूहले स्थायी समिति बैठकबाट ओलीको प्रतिगमनबिरुद्ध आन्दोलनलाई प्रभावशाली बनाउने कार्यक्रम तय गर्ने बताइएको छ ।

ओली चुनाव गराएर सत्ता हस्तान्तरण गर्न होइन, संघीयता, गणतन्त्रकै खिलाफमा जाने गरी अगाडि बढेका छन्, यस्तो अवस्थामा सबै दलहरुसँग सहकार्य गर्ने र संयुक्त आन्दोलनको रोडम्यापमा जानुपर्ने सवालमा प्रचण्ड नेपाल पक्ष लागेको छ । त्यसै सिलसिलामा शुक्रबार जनता समाजवादी पार्टीका अध्यक्ष डा. बाबुराम भट्टराईसँग अध्यक्ष पचण्डले भेटेका थिए । नेपाली कांग्रेसका सभापति शेरबहादुर देउवा ओलीले चुनाव गराउलान् भन्दै उनीसँग सत्ता भागबण्डामा लागेपछि संयुक्त आन्दोलन गर्ने बिषय ओझेलमा परेको छ ।