काठमाडौँका ४ ठाउँमा प्रदर्शन, ट्राफिक व्यवस्थापन अस्तव्यस्त

काठमाडौँ । विभिन्न ठाउँमा भइरहेका प्रदर्शनका कारण काठमाडौँको ट्राफिक व्यवस्थापन अस्तव्यस्त बनेको छ ।

आज (मंगलबार) दिउँसो काठमाडौँको नयाँ बानेश्वर(माइतीघर सडक खण्ड, बल्खु क्षेत्र, शान्तिबाटिका(बालुवाटार सडक खण्ड र जावलाखेल(माइतीघर सडक खण्डमा प्रदर्शन भइरहेको छ ।

जसका कारण काठमाडौं उपत्यकाको ट्राफिक व्यवस्थापन अस्तव्यस्त बनेको हो ।

नयाँ बानेश्वरदेखि माइतीघर मण्डलासम्म शिक्षकहरूले प्रदर्शन गरिरहेका छन् भने बल्खु क्षेत्रमा राष्ट्रिय प्रजातन्त्र पार्टी (राप्रपा) ले प्रदर्शन गरिरहेको छ ।

त्यस्तै उता, शान्तिबाटिका(बालुवाटार सडक खण्डमा सहकारी, लघुवित्त, बैंक तथा मिटरब्याज पीडितहरूले प्रदर्शन गरिरहेका छन् ।

त्यसैगरी राष्ट्रिय जनमोर्चाले भने जावलाखेलबाट जुलुस निकालेर अहिले माइतीघरतर्फ अघि बढिरहेको छ ।