उद्धार तथा स्वास्थ्य सहायता प्रदान गर्न नेपाली सेनाको जहाज म्यानमार प्रस्थान

काठमाडौँ । नेपाली सेनाको एक जहाज मेडिकल राहतसहित म्यानमार प्रस्थान गरेको छ। भूकम्पबाट प्रभावित म्यानमारमा उद्धार र स्वास्थ्य सहायता प्रदान गर्न यो टोली मंगलबार राति त्यसतर्फ उडेको हो।

टोलीमा चिकित्सक, स्वास्थ्यकर्मी, औषधि र आवश्यक मेडिकल उपकरणहरू समावेश छन्। म्यानमारमा हालै गएको विनाशकारी भूकम्पले ठूलो जनधनको क्षति पुर्‍याएको र घाइतेहरूको संख्या बढिरहेको समाचारहरू आएपछि नेपालले सहयोगको हात अघि बढाएको छ। यो टोलीले करिब ६ दिनसम्म त्यहाँ रहेर उद्धार कार्यमा सहयोग र घाइतेहरूको उपचारमा जोड दिने जनाएको छ ।

नेपाली सेनाले विपद्का समयमा अन्तर्राष्ट्रिय समुदायलाई सहयोग गर्ने आफ्नो प्रतिबद्धता अनुरूप यो मिसन सञ्चालन गरेको जनाएको छ। टोलीले म्यानमारको स्थानीय प्रशासनसँग समन्वय गरी प्रभावकारी रूपमा राहत कार्य अघि बढाउने योजना बनाएको जनसम्पर्क तथा सूचना निर्देशनालयले प्रशासनलाई जानकारी दिएको छ ।

यो सहयोगले नेपालको मानवीय संवेदनशीलता र अन्तर्राष्ट्रिय सहकार्यप्रतिको निष्ठालाई उजागर गरेको छ।