जडीबुटीको सञ्चो उत्पादन गर्ने भवनमै सल्कियो आगो, विस्फोटको जोखिम

काठमाडौं । कोटेश्वरस्थित जडीबुटी उत्पादन तथा प्रशोधन कम्पनीमा सञ्चो उत्पादन गर्ने भवनमा आगो सल्किएको छ । राजावादी प्रदर्शनकारले लगाएको आगो फैलिएर सञ्चो उत्पादन गर्ने ठुलो भवनमा पुगेको हो ।

कम्पनीकी महाप्रबन्धक संगीता यादवका अनुसार कार्यालयको मुख्य भवनमा सुरु भएको आगजनी सञ्चो उत्पादन गर्ने भवनमा सल्किन पुगेको छ ।

उक्त भवनसँग जोडिएको भवनमा पनि ठूलो परिमाणमा तेल स्टोर रहेको उनले बताइन् । तेल स्टोर गरिएको भवनमा आगो लागे ठुलो क्षती हुने खतरा रहेको उनको भनाइ छ ।

करिब ३० मिनेट अगाडी दमकल आए पनि आगो नियन्त्रणमा नआएको उनले जानकारी दिइन् । सँगै रहेको भवनमा ‘सञ्चो’ उत्पादन गर्न २५ टन तेल राखिएको उनले बताइन् ।

‘जडीबुटी कम्पनीमा २५ टन तेल छ, आगो ननिभाए ठूलो क्षति हुनसक्छ’ ‘त्यहाँ आगो लाग्यो भने ठूलो विस्फोट हुनसक्छ,’ यादवले भनिन्, ‘तेल राखिएको भवनमा आगो सल्किएमा जडीबुटी क्षेत्रको ध्वस्त हुनसक्छ ।’