‘यौन व्यवसाय चलाउनुपर्छ’ भन्ने अभिव्यक्ति दिएका घिमिरेले मागे माफी

काठमाडौं । नेपाली कांग्रेसका प्रमुख सचेतक श्यामकुमार घिमिरेले संसद्मा आफूले व्यक्त गरेको अभिव्यक्तिप्रति आत्मसमीक्षा गर्दै क्षमा याचना गरेका छन् ।

प्रतिनिधिसभाको आजको बैठकको आकस्मिक समयमा बोल्दै उनले यही चैत ३ गतेको बैठकमा व्यक्त गरेको विचारप्रति क्षमा याचना गरेका हुन् । उक्त दिन प्रमुख सचेतक घिमिरेले यौन व्यवसाय सञ्चाालन गरेर पर्यटक भित्र्याउनुपर्ने धारणा व्यक्त गरेका थिए । त्यसपछि संसदमा अधिकांस सांसदहरुले आपत्ति जनाएपछि आजको बैठकले उनले उक्त भनाईप्रति माफी मागेका हुन् ।

उक्त अभिव्यक्ति आफूले प्रतिनिधत्व गरेको नेपाली कांग्रेस र संसदीय दलको नभएको तथा त्यो आफ्नो व्यक्तिगत धारणा भएको उनले स्पष्ट पारे । ‘मेरा विचारले सम्मानित संसद्का सदस्य र अन्य जनसमुदायमा केही नकारात्मक प्रभाव परेको भए उहाँहरुको सम्मान गर्दै क्षमा याचना गर्न चाहन्छु’, उनले भने ।