क्यानडामा हिउँमा चिप्लिएर ८० यात्रु बोकेको विमान पल्टियो, १९ जना गम्भिर घाइते

टोरोन्टो – क्यानडाको व्यस्त टोरोन्टो पियर्सन अन्तर्राष्ट्रिय विमानस्थलमा अवतरण गर्ने क्रममा ८० यात्रु बोकेको यात्रुवाहक विमान पल्टिँदा कम्तिमा १९ जना घाइते भएका छन् ।

सो बिमानमा रहेका घाइते मध्ये धेरैको अवस्था गम्भीर रहेको र घाइते हुने मध्येमा एक बालक पनि रहेको बताइएको छ । ‘आपतकालीन टोलीहरूले प्रतिक्रिया दिइरहेका छन्। सबै यात्रु र चालक दलका लागि लेखा गरिएको छ,’ विमानस्थलले सामाजिक सञ्जालमा पोस्ट गरेको छ।

एयर एम्बुलेन्स कम्पनी ओर्गेले समाचार एजेन्सीहरूलाई भने कि घाइते बच्चालाई टोरन्टोको सिक किड्स अस्पतालमा लगिएको छ भने गम्भीर घाइते भएका दुई वयस्कहरूलाई अन्य क्षेत्रीय अस्पतालहरूमा पठाइएको छ । जहाँ उनीहरूको उपचार जारी रहेको छ।

जबकि दुर्घटनाको कारण अझै अज्ञात भनिए पनि टोरन्टोमा हिम आँधीको बीचमा भारी हावा र हिउँ परिरहेको बेला सो बिमान अवतरण गराइएको थियो । हप्ताको अन्त्यमा अनुमानित २२ सेन्टिमिटरहिउँले एयरपोर्टलाई ढाकेको थियो । धेरैले हिउँमा चिप्लिएर बिमान पल्टेको तर्क गरेका छन, यद्दपी छानबिन प्रकिया सुरू भएको त्यहाँको बिमान प्राधिकरणले जनाएको छ ।

सो बिमानको अमेरिकन कम्पनी डेल्टा एयरलाइन्सद्वारा सञ्चालित थियो।