प्रधानमन्त्री ओलीविरुद्ध अदालतको अवहेलनासम्बन्धी रिटको पेसी आज

काठमाडौं – प्रधानमन्त्री केपी शर्मा ओलीविरुद्ध सर्वोच अदालतमा दर्ता भएको अदालतको अवहेलनासम्बन्धी रिट निवेदनको पेसी आज तोकिएको छ ।

अधिवक्ता ओमप्रकाश अर्यालले गिरीबन्धु टी स्टेट्ससम्बन्धी फैसला कार्यान्वयन नगरेर अदालतको अवहेलना गरेको भन्दै प्रधानमन्त्री केपी शर्मा ओलीविरुद्ध सर्वोच्च अदालतमा निवेदन दर्ता गरेका हुन् ।

अधिवक्ता अर्यालले गिरीबन्धुको मुद्दामा सर्वोच्चको संवैधानिक इजलासबाट जारी भएको निर्देशनात्मक आदेश कार्यान्वयन नभएको र फैसला कार्यान्वयनमा उल्टै अवरोध भएको भन्दै अदालतको अवहेलनामा कारबाही हुनुपर्ने माग गरेका छन् ।

गिरीबन्धु सम्बन्धी मुद्दामा २०८० माघ २४ गते सर्वोच्च अदालतको संवैधानिक इजलासले फैसला गरेको थियो ।