१५ मिनेटका लागि स्थगित संसद् बैठक अझै सुरु भएन

काठमाडौं – १५ मिनेटका लागि स्थगित प्रतिनिधिसभाको बैठक अझै सुरु हुन सकेको छैन । प्रमुख प्रतिपक्षी दलको विरोधपछि १५ मिनेटका लागि स्थगित भएको बैठक एक घण्टा बित्दा पनि सुरू हुन नसकेको हो ।

आकस्मिक र शून्य समय सकिएपछि सभाको बैठकका नेपाली कांग्रेसका सांसद रामहरि खतिवडालाई बोल्न दिइएपछि विपक्षी दलका सांसदले प्रश्न उठाएका थिए । सभामुखले आकस्मिक समयमा बोल्न नाम टिपाएको र झुक्किएर छुटेको जवाफ दिएका थिए ।

विपक्षी दलहरूले त्यसमा चित्त नबुझेको भन्दै सांसद खतिवडाका अभिव्यक्ति संसद्को रेकर्डबाट मेट्न माग गरेका थिए । त्यसपछि बैठक सञ्चालन गरिरहेकी उपसभामुखले अध्ययन गरेर आवश्यक निर्णय लिन सचिवालयलाई आदेश दिएकी थिइन् ।

त्यसपछि सभाको नेतृत्व गर्न सभामुख देवराज घिमिरे आएका थिए । उनी आउँदा पनि विपक्षी दलका सांसद आआफ्नो स्थानबाट उभिएर बैठकमा अवरोध गरिरहे पछि बैठक ख१५ मिनेटका लागि स्थगित गरेका थिए