चितवनमा रविको बयान सकियो, आजैबाट थुनछेक बहस

चितवन – राष्ट्रिय स्वतन्त्र पार्टीका सभापति रवि लामिछानेको चितवन जिल्ला अदालतमा बयान सकिएको छ । साहारा चितवन बहुउद्देश्यीय सहकारी संस्थाको बचत रकम ठगी गरेको आरोपमा आज बिहान पौने १२ बजेदेखि सुरु भएको बयान सकिएको हो ।

वयान सकिएलगत्तै उनको आजै थुनछेक बहस सुरु गर्ने तयारी भएको अदालतका सूचना अधिकारी अमृत विश्वकर्माले जानकारी दिए । चितवन जिल्ला अदालतका न्यायाधीश दयाराम ढकालको इजलासमा २ नंबरमा उनको बयान चलेको थियो ।

थुनछेक बहसका लागि रवि लामिछानको तर्फबट बहस गर्ने अधिवक्ताहरुले आफ्नो नाम दर्ता गराएका छन् ।

लामिछानेको पक्षबाट वरिष्ठ अधिवक्ता सुशीलकुमार पन्त, अधिवक्ता सुवर्ण सापकोटा, नारायणदत्त कँडेल, चुडामणि सापकोटा, रामचन्द्र देवकोटा, सञ्जय गोलेले वकालतनामा दर्ता गराएका छन् ।

सहकारी पीडितको तर्फबाट अधिवक्ताहरू राजकुमार श्रेष्ठ, रमेश काफ्ले, सुनिता अधिकारी र शम्भु बर्तौलाले बहस गर्नेछन् । सरकारी वकिलका तर्फबाट जिल्ला न्यायाधिवक्ता रवि न्यौपानेसहित सरकारी वकिलहरू बुद्धबहादुर थापा, अमृत सुवेदीले बहस गर्नेछन् ।