अखिल क्रान्तिकारीको निर्वाचन आयोग उपाध्यक्षमा अशोक भण्डारी निर्वाचित

काठमाडौं – नेकपा माओवादीको विद्यार्थी संगठन अखिल (क्रान्तिकारी)को निर्वाचन आयोग उपाध्यक्षमा अशोक भण्डारीको विजयी भएका छन् ।

२३ औं राष्ट्रिय सम्मेलन अन्तर्गत नयाँ कार्यसमिति चयनका लागि शनिबार भएको निर्वाचनमा भण्डारीले ६१९ मत ल्याएर विजयी भएका हुन् । उनका निकटतम प्रतिद्वन्द्वी प्रज्ज्वल खत्रीले ४११, दीपक थापाले ३१७ मत प्राप्त गरे ।

त्यसैगरी कोषाध्यक्षमा फुलमाया रानामगर ‘खुशी’ विजयी भएकी छन् । उनी विश्वविद्यालय र उपत्यका विशेषको बुधबार सम्पन्न मतगणनामा ५९६ मत ल्याई विजयी भएकी हुन् ।

यस्तै खुला सचिवमा प्रेम जैशी, वीरेन्द्र जिसी, शिशिर बस्याल र सम्झना राई विजयी भएका छन् । यसैगरी छात्रातर्फ तिर्सना आलेमगर, समकृति पुन विजयी भएका छन् ।

यस्तै जनजातितर्फ अर्टिष्ट मोक्तान, दलिततर्फ आशा उपरकोटी विजयी भएका छन् । अन्य पदको माओवादी केन्द्रीय कार्यालय पेरिसडाँडामा मतगणना जारी छ ।