सन्दीप लामिछानेले क्रिकेटबाट सन्यास लिएका हुन् ?

काठमाडौं – क्रिकेटर सन्दीप लामिछानेले गएराति सामाजिक सञ्जालमा भावुक स्टाटस लेखेका छन्। नेपाली राष्ट्रिय क्रिकेट टोलीका पूर्वकप्तान तथा लेगस्पीनर लामिछानेले गएराति ११ बजे सामाजिक सञ्जालमा लेखेको स्टाटसले यतिबेला लामिछानेले क्रिकेटबाटसन्यास लिन लागेको को कि भनेर धेरैको ध्यान तानेको छ।

अंग्रेजी भाषामा सामाजिक सञ्जालमा गरिएको पोस्टमा उनले नेपालका आफ्ना समर्थकहरूप्रति कृतज्ञता प्रकट गरेका छन्। कतिपयले यसलाई सन्दीपले खेलबाट सन्यास लिन लागेको अड्कलबाजी पनि लगाएका छन्।

लामिछानेले लेखेका छन्, ‘यी सबै कुराको लागि सबैजनालाई धन्यवाद। यो देश र यहाँका क्रिकेट समर्थकहरुले सधैँ मेरो समर्थन गर्दै मेरो यात्रामा निरन्तर साथ दिनुभएको छ। तपाईँहरुको यो माया र हौसला मेरा लागि सबथोक हो। जसले सधैँभरि मेरो हृदयमा विशेष स्थान बनाइरहनेछ।’

उनको पोस्टमा कमेन्ट गर्ने कतिपयले उनलाई अहिले नै क्रिकेट खेलबाट सन्यास नलिन सुझाव दिएका छन्। केही खेलमा भनेजस्तो नभए पनि मन नदुखाउन र आफ्नो लयमा चाँडै फर्किन पनि सन्दीपका समर्थकले उनलाई आग्रह गरेका छन्।