सत्तापतन लगत्तै असदलाई अर्को झट्का, श्रीमतीले मागिन् सबन्ध बिच्छेद

मस्को  । पूर्व सिरियाली राष्ट्रपति बसर अल असदको शासन पतन भएको एक हप्ता भयो ।

यस बिचमा सिरियामा धेरै घटना र परिघटनाहरु दृश्यमा आए, सहज रुपले राजधानी दमास्कस बिद्रोहीको कब्जामा र असदको अचानक रुसमा लिएको शरण देखी अनेक घटना भएका छन ।

यसै बिचमा यो रिपोर्टहरू आइरहेको छ असदकी पत्नीले सम्बन्ध विच्छेदको लागि मुद्धा दायर गरेकी छिन र उनी चाँडै बेलायत जाने योजना बनाइरहेकी छिन् ।

द जेरुसेलम पोस्टका अनुसार अपदस्थ राष्ट्रपति बसर अल असदकी पत्नी असमा अल असदले मस्कोमा आफ्नो जीवनप्रति असन्तुष्टि व्यक्त गरेकी छिन् । सिरियाली विद्रोही समूहले सिरियाको राजधानी दमास्कसलाई तुरुन्तै कब्जा गरेपछि सिरियाली नेता बसर अल असद देश छोडेर रसिया गएका थिए। असदको लामो समयको सहयोगी रुसले अन्ततः मानवीय आधारमा उनलाई र उनको परिवारलाई शरण दियो।

टर्की र अरब मिडियाले अस्मा हाल लन्डन जाने प्रयास गरिरहेको उल्लेख गरेका छन् । रिपोर्टका अनुसार सिरियाली नेताकी श्रीमतीले रुसी अदालतमा मस्को छोड्न विशेष अनुमति माग्दै निवेदन दिएकी छिन् ।

उनको आवेदनको रुसी अधिकारीहरूले अनुसन्धान गरिरहेको बताइएको छ। अस्मासँग बेलायत र सिरियाको दोहोरो नागरिकता रहेको उल्लेख छ । उनी लन्डनमा सिरियाली आमाबाबुको कोखवाट जन्मे र हुर्केकी महिला हुन् । जो असदको परिवार अहिले कडा प्रतिबन्धमा बाँचिरहेकी छिन् ।

अस्मा सन् २००० मा सिरिया गइन् र त्यही वर्ष असदसँग विवाह गरिन् । त्यतिबेला उनको उमेर २५ वर्ष थियो । रुसी अधिकारीहरूले असदको शरणको अनुरोध स्वीकार गरे पनि सिरियाली नेता अझै कडा प्रतिबन्धमा बाँचिरहेका छन्। द जेरुसेलम पोष्टको रिपोर्टका अनुसार उनलाई अहिलेसम्म मस्को छाड्न वा कुनै पनि राजनीतिक गतिविधिमा भाग लिन प्रतिबन्ध लगाइएको छ ।