एनपीएलको फाइनल हेर्न दर्शकले भरिए टीयू मैदान, प्रचण्डसहितका नेताहरू पनि सहभागी

काठमाडौं – टीयू क्रिकेट मैदानमा जारी नेपाल प्रिमियर लिग (एनपिएल)को फाइनल खेल हेर्न आज बिहानैदेखि टीयू क्रिकेट मैदानमा दर्शक भरिभराउ छन्

ट्रफिका लागि आज सुदूरपश्चिम रोयल्स र जनकपुर बोल्टस्‌ भिड्दैछन् । खेल हेर्न गृहमन्त्री रमेश लेखक देखि नेकपा माओवादी केन्द्रका अध्यक्ष पुष्पकमल दाहालसहितका नेताहरू कीर्तिपुर पुगेका छन् ।

दुवैतर्फका टिम समर्थक आआफ्ना टिमको समर्थनमा प्लेकार्ड सहित उपस्थित भएका छन् । फाइनलमा खेलमा सुदूरपश्चिम रोयल्स र जनकपुर बोल्ट्सबीच प्रतिस्पर्धा भइरहेको छ ।

फाइनल खेलमा जनकपुरविरुद्ध सुदूरपश्चिम रोयल्सले पहिले ब्याटिङ गर्ने भएको छ । टियू खेल मैदानमा टस जितेर कप्तान दीपेन्द्र सिंह ऐरले पहिले ब्याटिङ रोजेका हुन् ।