काठमान्डुको प्लेअफ सम्भावना कायमै, विराटनगर १ विकेटले पराजित

काठमाडौं – विराटनगर किंग्सविरुद्ध काठमान्डुले महत्त्वपूर्ण जित हासिल गरेको छ। प्लेअफ सम्भावना जीवितै राख्न जित्नैपर्ने खेल काठमान्डुले ११ बल बाँकी छँदै १ विकेटले जितेको हो।

टस जितेर काठमान्डुले फिल्डिङ रोजेपछि पहिले ब्याटिङ गरेको विराटनगरले सबै विकेट गुमाउँदै ११७ रन मात्र बनाएको थियो। लिगको अन्तिम खेल जितेपछि काठमान्डुले ७ खेलबाट ८ अंक जोडेर पाँचौं स्थानमा छ ।

अब सोमबार कर्णाली याक्स सुदूरपश्चिमसँग फराकिलो अन्तरले पराजित भएमा मात्र काठमान्डु शीर्ष चारमा पर्ने सम्भावना हुनेछ । काठमान्डुले अब लिगको अन्तिम खेलको नतिजा कुर्नुपर्नेछ ।

सोमबार सुदूरपश्चिम र कर्णाली याक्सबीच हुने खेलपछि मात्र काठमान्डु प्लेअफ पुग्ने नपुग्ने टुङ्गो लाग्नेछ । सुदूरपश्चिमले कर्णालीलाई ५३ रन भन्दा बढीले पराजित गरेमा मात्र काठमाडौं नेटरनरेटमा माथि आउद्देछ ।

विराटनगरले दिएको ११८ रनको लक्ष्य काठमान्डुले १८।१ ओभर खेल्दै ९ विकेट गुमाएर पूरा गरेको हो ।