फेरि ह्वात्तै बढ्यो सुनको भाउ, तोलाको कति पुग्यो ?

काठमाडौँ – नेपाली बजारमा पहेँलो धातु सुनको भाउ फेरि बढेको छ । भन्सार कर घटाएपछि ह्वात्तै घटेको सुनको भाउ आज (मंगलबार) फेरि बढेको हो ।

नेपाल सुन चाँदी व्यावसायी महासंघका अनुसार आज सुनको भाउ तोलामा २ हजार एक सय रुपैयाँले बढेको छ । आज छापावाला सुन प्रतितोला १ लाख ५२ हजार २ सय रुपैयाँमा कारोबार भइरहेको महासंघले जनाएको छ ।

सोमबार प्रतितोला १ लाख ५० हजार १ सय रुपैयाँमा सुन कारोबार भएको थियो । यस्तै, आज चाँदीको भाउ पनि तोलामा ६० रुपैयाँले बढेको छ । सोमबारको तुलनामा आज ६० रुपैयाँले बढेको हो ।

सोमबार प्रतितोला १ हजार ८६० रुपैयाँमा कारोबार भएकामा आज प्रतितोला १ हजार ९२५ रुपैयाँमा कारोबार भइरहेको महासंघले जनाएको छ ।