नेपाली भूमिमा छिरेर एसएसबीले चलायो गोली

पर्सा । बीरगञ्ज नाकाबाट नेपाली भूमिमा छिरेर भारतीय प्रहरीले गोली चलाएको छ । भारतीय सीमा सुरक्षा बल (एसएसबी) का जवानले मंगलबार नेपाली भूमिमै प्रवेश गरी गोली चलाएका छन् । बीरगञ्ज–रक्सौल नाकास्थित नेपालतर्फको भूभागमा प्रवेश गरेर एसएसबीका जवानले गोली चलाएका हुन् ।

भारतीय भूमिबाट कबाड संकलन गर्ने २ महिला र २ पुरुषलाई लखेट्दै आएका एसएसबीका जवानले मितेरी पुलको तलतिरको नेपाली भू–भागमा प्रवेश गरेर गोली चलाएको प्रत्यक्षदर्शीले बताएका छन् ।

भारतीय भूमि अहरिवा टोल हुँदै नेपाल छिरेर एसएसबीका एक जवानले गोली चलाएका हुन् । गोली कसैलाई नलागेको बताइएको छ । एसएसबीले कबाड संकलन गर्नेहरुलाई लखेट्नुको कारण भने खुल्न सकेको छैन ।