साफ यू–१७ च्याम्पियनसिप सेमिफाइनलमा आज नेपालको सामना भारतसँग

काठमाडौं । नेपाल साफ यू–१७ च्याम्पियनसिपको सेमिफाइनलमा आज भारतको सामना गर्दैछ ।

थिम्पुस्थित चाङलिमिथाङ स्टेडियममा आज हुने खेल नेपाली समय अनुसार अपराहन्न १स् ४५ बजेदेखि हुनेछ ।

नेपाल समूह बी मा उपविजेता हुँदै सेमिफाइनलमा पुगेको हो भने भारत समूह ए मा समूह विजेता बनेर सेमिफाइनल खेल्दैछ ।

नेपाल समूह चरणमा पाकिस्तानसँग १–० गोल अन्तरले पराजित भएको थियो भने श्रीलंकालाई ४–० र भुटानलाई २–१ ले पराजित गरेको थियो ।

त्यसैगरी समूह ए मा भारतले बंगलादेशलाई १–० र माल्दिभ्सलाई ३–० ले पराजित गर्दै समूह विजेता बनेको थियो ।

आजै दोस्रो सेमिफाइनल साँझ ५: ४५ बजेदेखि  पाकिस्तान र बंगलादेशबीच हुँदैछ ।