राष्ट्रपतिद्वारा धारा ७६(२) अनुसार सरकार गठनका लागि आह्वान, ओलीले दाबी पेश गर्ने

काठमाडौं । राष्ट्रपति रामचन्द्र पौडेलले संविधानको धारा ७६(२) अनुसार सरकार गठनका लागि दलहरुलाई आह्वान गरेका छन् । आइतबारसम्म धारा ७६(२) अनुसार दुई वा सो भन्दा बढी दलहरुलाई सरकार गठनका लागि आह्वान गरेका छन् ।

राष्ट्रपति कार्यालयले संविधानको धारा ७६ को उपधारा (२) बमोजिम प्रतिनिधिसभामा प्रतिनिधित्व गर्ने दुई वा दुई भन्दा बढी दलहरूको समर्थनमा बहुमत प्राप्त गर्न सक्ने प्रतिनिधिसभाको सदस्यलाई नेपालको प्रधानमन्त्री पदमा नियुक्ति गर्ने प्रयोजनका लागि आइतबारसम्म दाबी पेश गर्न समय दिएको छ ।

राष्ट्रपतिले बहुमत संख्यासहित प्रधानमन्त्रीमा दाबी गर्न आह्वान गरेपछि नेपाली कांग्रेस र एमालेका नेताहरु आजै राति शितलनिवास जाने तयारीमा छन् । एमाले अध्यक्ष ओलीलाई नेपाली कांग्रेस र एमालेसहितका दलहरुको समर्थन रहेको पत्रसहित राष्ट्रपतिकोमा जाने बताइएको छ ।