त्रिशुलीमा दुई बस बेपत्ताः चालकसहित ६५ जनाको अवस्था अज्ञात, तीन जना हाम्फालेर बाँचे

काठमाडौं । त्रिशुली नदीमा बेपत्ता भएका दुईवटा यात्रुबाहक गाडीको उद्धार र समस्या उत्पन्न भएको छ । गएराति पहिरोमा परी बगेका ती दुई बसमा सवार यात्रुको उद्दारमा कठिनाइ भएको हो ।

काठमाडौंबाट गौर जाँदै गरेको गणपति डिलक्स र बीरगंजबाट काठमाडौं आउँदै गरेको दुईवटा यात्रुबाहक बस पहिरोमा परेका हुन् । दुबै बसमा ६५ जना यात्रु
सवार रहेका थिए । उक्त बसमा सवारमध्ये रौतहटका ३ जना हामफालेर बाँचेका छन् ।

सशस्त्र प्रहरीका अनुसार मुग्लिन–नारायणगढ सडकखण्डमा ठूलो पहिरो गएका कारण गोताखोर घटनास्थलमा पुग्न नसकेकाले उद्दारमा कठिनाइ भइरहेको छ ।

खोज तथा उद्धारका लागि उक्त स्थानमा सशस्त्र प्रहरीको १७ नम्बर गण चितवनबाट ३५ जना र विपद् व्यवस्थापन तालिम शिक्षालयबाट ७ गोताखोरसहित २० जना परिचालन गरिएपनि उनीहरू घटनास्थल पुग्न समस्या भएको छ ।