बागलुङका विभिन्न स्थानमा अवरुद्ध सडक खुलाउँदै सशस्त्र प्रहरी

काठमाडौं । अविरल वर्षाका कारण असार २७ गते कालिगण्डकी करिडोर अन्तर्गत बाग्लुङ जिल्लाको बाग्लुङ नगरपालिका– १० डबल्याङ र मध्य पहाडी लोकमार्ग अन्तर्गत सोही जिल्लाको काठेखोला गाउँपालिका–६ बयलडाडा सडकखण्डमा पहिरो आई पूर्णरुपमा अवरुद्ध भएको सडक सशस्त्र प्रहरीले खुलाएको छ ।

सशस्त्र प्रहरी बल नेपाल आश्रित गुल्म बाग्लुङको सुरक्षा फौज खटिई अवरुद्ध सडकहरु खुलाएको हो ।

यसैगरी अविरल बर्षाको कारण पहिरोले सोही जिल्लाको बाग्लुङ नगरपालिका–३ तातोपानी भुनियामा ४५ वर्षिय मनमती बोहोराको कच्ची घर भत्किन गई पुरिएको लत्ताकपडा तथा सरसामानहरु सशस्त्र प्रहरी बल आश्रित गुल्म बागलुङको सुरक्षा फौजले निकालेको छ ।

बागलुङ नगरपालिका–७ तितौरेस्थित पानिवनमा घरको पालि भत्कीन जाँदा ५१ बर्षीया खिमकुमारी शर्माको मृत्यु भएको छ ।