युवासंंघद्वारा राष्ट्रियताका लागि दबाब कार्यक्रम सम्पन्न

काठमाडौं । सत्तारुढ घटक नेकपा (एकीकृत समाजवादी) निकट युवासंघ नेपालले काठमाडौंको माइतीघर मन्डलामा राष्ट्रियताका लागि युवा दबाब कार्यक्रम सम्पन्न गरेको छ ।

नेकपा (एकीकृत समाजवादी) का युवाहरुले राष्ट्रियतालाई बलियो बनाउन, जनजीवनलाई सहज बनाउन साथै भ्रष्टाचार र बेथितिको विरुद्ध ‘हाम्रो नोटमा हाम्रै देश-आन्तरिक मामिलामा नगर हस्तक्षेप’ नेपालको पश्चिमसम्मको भेग, लिम्पियाधुरा र लिपुलेक !’ ‘उठौं युवा एकै साथ रोकौं भारतीय विस्तारवाद’ ‘ “MCC के हो ? व्याख्यात्मक टिप्पणी के भो ?’   लगायतको नारा लगाउँदै मोटरसाइकल र्याली गर्दै माइतीघरमा कोणसभा गरी समापन गरेका छन् ।

नेपालले एक सय रुपैयाँको नोटमा नेपालको चुच्चे नक्सा राख्दा भारतले अतिरन्जना गरिरहेका कारण नेपालको स्वभिमानलाई उच्च राख्नका लागि युवा दबाब कार्यक्रम गरेको युवासंघका नेता बिशाल लामाले बताएका छन् ।

उक्त सभालाई युवासंघका अध्यक्ष कृष्ण विक, प्रवक्ता सन्जिप राई लगायतले सम्बोधन गरेका थिए ।