कांग्रेसले आज छान्न सकेन उपनिर्वाचनका उम्मेदार, शेखर–गगन पक्षद्वारा बैठक नै बहिस्कार

काठमाडौँ । नेपाल कांग्रेसले बैशाख १५ गते हुने उपनिर्वाचनका लागि उम्मेदवार तय बुधबार गर्ने भएको छ ।

आज उम्मेदवार तय गर्न बोलाएको केन्द्रीय कार्यसम्पादन समितिको बैठकमा केही  शीर्षनेताहरु अनुपस्थित भएपछि बुधबार फेरि बैठक बस्ने भएको हो ।

आजको बैठकमा केन्द्रीय सदस्य शेखर कोइरालासहितका नेताहरु बैठकमा सहभागी भएका थिएनन् । सभापति देउवासँग उम्मेदवार चयनका विषयमा असहमतिका कारण उनी अनुपस्थित भएको बताइएको छ ।

इलाम-२ मा हुने प्रतिनिधिसभा र बझाङमा हुने प्रदेशसभाको उपनिर्वाचनमा अन्य दलले उम्मेदवार छानेर प्रचार शुरु गरेपनि कांग्रेसले भने अझै उम्मेदवार छानेको छैन ।

नेता शेखर कोइराला र महामन्त्री गगन थापाहरुले इलाम २ मा भेषराज आचार्यलाई उम्मेदवार बनाए कांग्रेसले जित्न सहज हुने दाबी गर्दैआएका छन् । सभापति देउवा भने यसअघि स्व. सुवास नेम्वाङसँग झिनो मतले पराजीत डम्बर खड्कालाई नै पुनः टकट दिने पक्षमा छन् ।