अमेरिकाबाट नेपाल फर्किदै रेखा, नयाँ फिल्म बनाउने

काठमाडौं । सर्बाधिक हिट चलचित्र उपहार बनाएकी नायिका रेखा थापाले अर्को चलचित्र बनाउने तयारी गरेकी छन् ।
उनले फिल्मको नाम सोचिरहेको बताइन् ।

नेपाली फिल्म उद्योगको गरिमा राख्ने काम गरिरहेको बताउदै रेखाले फिल्मको सङ्ख्या मात्र राख्ने काम आफुबाट कदापि नहुने उल्लेख गरिुन् ।

मेरो अझै दर्बिलो उपस्थिति हुनेछ, सबैको माया र हौसला बटुल्ने हिम्मत छ, रेखाले भनिन्  ।

रेखा थापा वैशाखको १८ गते अमेरिकाबाट नेपाल फर्किदैछिन् ।

उनी, नेपाल आएपछि नयाँ फिल्मको काममा लाग्ने वुझिएको छ ।

फिल्म ‘उपहार’ बनाएपछि रेखाले वर्तमान बजारको अवस्था र दर्शकको स्वाद पनि बुझ्ने मौका पाइन् । यसैले, यी सबै कुरालाई ध्यानमा राखेर उनी नयाँ फिल्म बनाउने तयारीमा लागेकी छिन् ।

फिल्म ‘उपहार’ नेपालपछि अमेरिकामा पनि रिलिज भइरहेको छ । अमेरिकामा दर्शकले फिल्मलाई राम्रो प्रतिक्रिया दिएपछि उनी उत्साहित छिन् ।

फिल्मले इनिसियल रुपमा राम्रो व्यापार गरेपछि रेखा दंग छिन् ।

रेखा थापा अमेरिकामा गएर छोरी जन्माएको बिषयमा उनको पार्टी राप्रपाभित्रै चर्को आलोचना भएको थियो । राप्र्रपा अध्यक्ष राजेन्द्र लिङ्देनले नै थापा बच्चा जन्माउन अमेरिका गएको भन्दै सार्वजनिक रुपमा ब्यंग्यात्मक अभिब्ब्यक्ति दिएका थिए । त्यसको जवाफमा रेखाले लिङ्देनले पनि अमेरिकामा छोरी पठाएको भन्दै फिर्ता गर्न चुनौती दिएकी थिइन् ।