पूर्वउपराष्ट्रपतिका अर्का छोरा पनि सुन तस्करीमा मुछिए

काठमाडौं । पूर्व उपराष्ट्रपति नन्दबहादुर पुनका छोरा जितेन्द्र पुन सुन तस्करीमा मुछिएका छन् । उनले बाबु उपराष्ट्रपति हुँदा कार्यालयको स्वकीय अधिकृतको परिचयपत्र, प्रहरी तथा नगरपालिकाको नाता प्रमाणपत्रसमेत प्रयोग गरेर ल्याए चार किलो सुन ल्याएको समाचार आजको कान्तिपुर दैनिकले लेखेको छ ।

रोल्पा स्थायी ठेगाना भएका जितेन्द्रले हुम्लाको सिमकोट निवासी भनेर गृह मन्त्रालयबाट परिचयपत्र बनाई सडक नाकाबाट समेत गरे पटक–पटक चीनबाट सुन तस्करी गरेको बिषय समाचारमा उल्लेख छ । पूर्वउपराष्ट्रपति पुनका छोरा तथा माओवादी निकट अखिल क्रान्तिकारीका महासचिव दीपेश यसअघि नै सुन तस्करी तथा सहकारी ठगीमा मुछिएका छन् ।

तत्कालीन उपराष्ट्रपतिकै ‘जानकारी तथा संरक्षणमा’ उनको हैसियत दुरूपयोग गरेर जितेन्द्रले पटक–पटक सुन ल्याएको तर एक खेपमा ल्याएको चार किलोको पैसा चिनियाँ बिक्रेतालाई नदिएकोसमेत खुलासा भएको छ ।