काठमाडाैं । महानगरीय अपराध महाशाखाले नक्कली प्रहरी बनेर सर्बसाघारणलाई धाक धम्की दिने समूहका ३ जनालाई पक्राउ गरेकाे छ ।
पक्राउ पर्नेमा नुवाकोटकाे तादी गाउँपालिका-८ घर भई तारकेश्वर नगरपालिका बस्ने २३ वर्षका रमेश तामाङ, दोलखा मेलुङ गाउँपालिका-५ डाँडाखर्क घर काठमाडाैंकाे वनस्थली ढुङ्गेधारा बस्ने ३३ वर्षका तुल बहादुर मगर र नवलपरासीकाे कावासोती नगरपालिका-१२ पिठौली घर भई काठमाडाैंकाे स्वयम्भु बस्ने ३६ वर्षका गुविराम घले रहेकाे प्रहरीले जनाएकाे छ ।
महाशाखाका अनुसार उनीहरूले काठमाडाैंकाे बालाजु माछापोखरी एरियामा ब्यक्तिहरुलाई आफू प्रहरीको इन्स्पेक्टर हुँ भन्दै धम्की दिई रकम माग गरी दुःख हैरानी दिने गरेका थिए । उनीहरुको बिषयमा थप अनुसन्धान भइरहेको महाशाखाले जनाएको छ।
