न्यायाधीश थपलिया र निराैला बर्खास्त गर्न सिफारिस

काठमाडौं। न्यायपरिषद्ले उच्च अदालतका न्यायाधीश नवराज थपलिया र जिल्ला न्यायाधीश अम्बिकाप्रसाद निरौलालाई बर्खास्तको सिफारिस गरेको छ । आजको न्यायपरिषद बैठकले कार्यक्षमता र आचरणमा प्रश्न उठाउँदै उनीहरुलाई बर्खास्त गर्न सिफारिस गरेको हो ।

अर्का जिल्ला न्यायाधीश राजकुमार कोइरालालाई सचेत गराउने निर्णय गरेको छ। न्यायपरिषदको सिफारिस कार्यान्वयनका लागि प्रधानन्यायाधीशको सचिवालयमा पठाइएको छ ।

हाल न्यायपरिषदमा तानिएका थपलियामाथि पदीय हैसियतको दुरुपयोग गरेको, निलम्बित प्रधानन्यायाधीश चोलेन्द्रशम्सेर जबराको इजलासमा मुद्दाहरु मिलाउने र मोलाहिजाको काम गरेको लगायतका आरोपसहित न्यायपरिषदमा उजुरी परेको थियो । जिल्ला न्यायाधीश निरौलामाथि मुद्दाको तथ्य र प्रमाण एकातिर हुँदाहुँदै बदनीयतपूर्वक गलत फैसला गरी अपहरण मुद्दाका आरोपितलाई छुटाएको आरोप थियो ।