नेपाली सांसदले भेटे भारतीय विदेश मन्त्री जयशंकरलाई

काठमाडौं । भारत भ्रमणमा रहेका नेपाली सांसदहरुले भारतीय विदेशमन्त्री एस. जयशंकरसँग भेट गरेका छन् । आज हैदरवाद हाउसमा विदेशमन्त्री जयशंकरसँग भेटघाट भएको हो ।

मन्त्रीसँगको भेटमा दुई देशको सम्बन्ध र संसदीय व्यवस्था लगायतको विषयमा छलफल भएको बताइएको छ ।

प्रधानमन्त्री प्रचण्डको हालै भएको भारत भ्रमणको क्रममा भएको सम्झौताको कार्यान्वयनको विषयमा संसदबाट कसरी सम्बोधन गर्न सकिन्छ र कार्यान्वयनमा देखिएका समस्या हल गर्ने लगायतका विषयमा छलफल भएको जनाइएको छ ।

प्रतिनिधिसभा अन्तरर्गतका अन्तर्राष्ट्रिय सम्बन्ध तथा पर्यटन समितिका सभापति राजकिशोर यादवको नेतृत्वमा माघ १६ गते भारतीय लोकसभाको निमन्त्रणामा दिल्ली पुगेका हुन् ।