विभिन्न स्थानमा तीन जना मृत फेला

काठमाडौँ । देशका विभिन्न स्थानमा तीन जना मृत भेटिएका छन् । सुनसरी, डोटी र झापा जिल्लामा उनीहरू मृत अवस्थामा फेला परेको नेपाल प्रहरीले जानकारी दिएको हो ।

सुनसरीको धरान उपमहानगरपालिका-६ पानमारी किशानचोकस्थित नालीमा सोही उपमहानगरपालिका-६ शिवालय टोल बस्ने ६४ वर्षीय सन्चवीर लिम्बु आइतबार मृत अवस्थामा फेला परेका छन् । त्यस्तै डोटीको बडिकेदार गाउँपालिका(२ असुरा बस्ने २२ वर्षीय राजीव मास्की मगर सोही गाउँपालिका(३ स्थित पातलको भिर तल आइतबार मृत अवस्थामा फेला परेका छन् ।

यता झापाको अर्जुनधारा नगरपालिका-६ बिहानीटोलमा हाल नाम, थर, वतन नखुलेका ५० वर्षीया महिला सोमबार मृत अवस्थामा फेला परेकी छिन् ।

यस सम्बन्धमा प्रहरीले आवश्यक अनुसन्धान गरिरहेको छ ।