बागलुङमा बिहीबार थपिए ५१ जना कोरोना संक्रमित

काठमाडौं । बागलुङमा बिहीबार थप ५१ जनामा कोरोना संक्रमण पुष्टि भएको छ।

जिल्ला स्वास्थ्य कार्यालय बागलुङका अनुसार संक्रमित हुनेमा १४ जना नेपाल प्रहरी, २० जना नेपाली सेना छन्।

यस्तैगरी काठेखोला गाउँपालिका ६ का दुई, तमानखोला गाउँपालिकाका ६, बागलुङ नगरपालिका ४ का एक पुरुष र अन्य ८ जनामा संक्रमण पुष्टि भएको हो। 

योसहित बागलुङमा कोरोना संक्रमितको संख्या ५ सय ८५ पुगेको छ। जसमध्ये ३ सय ८८ जना कोरोनामुक्त भैसकेका छन्। त्यस्तै, दुई जनाको कोरोना संक्रमणको कारण मृत्यु भैसकेको छ।

बिहीबार मात्र गण्डकी प्रदेशमा थप ९७ जनालाई कोरोना संक्रमण देखिएको गण्डकी प्रदेश स्वास्थ्य निर्देशनालयले जनाएको छ।