लेखापाल र कम्प्युटर अपरेटर घुससहित पक्राउ

राजविराज। आज बुधबार बिहान सप्तरीको विष्णुपुर गाउँपालिकाका लेखापाल टेकनारायण यादव र कम्प्युटर अपरेटर वीरेन्द्र यादवलाई अख्तियार दुरुपयोग अनुसन्धान आयोगको टोलीले घुसको रकम लिँदै गर्दा राजविराजबाट नियन्त्रणमा लिएको छ ।

अपरेटर विरेन्द्र कुमार यादव नगद रू. २ लाख र लेखापाल टेकनारायण यादवलाई रू. ३ लाखको चेक सोलार बत्ति जडान लगायतका योजनाको भुक्तानी गरेवापत सेवाग्राहीसंग घुस रिसवत लिईसकेको अवस्थामा पक्राउ परेको स्रोतले जानकारी दियो।

लेखापाल टेकनारायण विष्णुपुर गाउँपालिकासँगै सप्तरी जिल्ला अदालतका लेखापालसमेत हुन् । आयोगको इटहरीस्थित कार्यालयका प्रवक्ता निरज देवले लेखापाल र अपरेटर पक्राउ गरिएको जानकारी आए पनि थप विवरण आइरहेको र त्यसपछि मात्र विस्तृत आउने जानकारी दिए ।