युट्युवर कुशल पोखरेलविरुद्ध पनि सट्टेबाजीमा मुद्दा दायर

काठमाडौं। नेपालका चर्चित युट्युवर कुशल पोखरेलविरुद्ध पनि प्रहरीले सट्टेबाजीमा मुद्दा दायर गरेको छ। मोरङको विराटनगर-४ स्थायी घर भएका २४ वर्षीय कुशललाई फरारमा राखेर अभियोग पत्र दायर भएको छ।

९ जना युट्युबर तथा कलाकार र वान एक्स बेट कारोबारी दिनेशी खड्का र उनकी श्रीमती अनिता धितालसहित ११ जनालाई प्रतिवादी बनाएर मुद्धा दायर गरिएको छ। अहिले यस् प्रकरणमा चर्चित कलाकारहरु राजु पौडेल(राजु मास्टर) मरिचमान श्रेष्ठ (बल्छी ध्रुबे) बेगम नेपाली (भटभटे माइला) पवन खतिवडा (म्याकुरी) लगायतका कलाकार र युट्युबर प्रहरी हिरासतमा रहेका छन् । सट्टेबाजी सम्बन्धी कसुर र नेपाल राष्ट्र बैंक ऐन, २०५८ अन्तर्गत अभियोग लगाइएको छ।

युट्युबर तथा कलाकारले वान एक्स बेटको प्रोमो कोड प्रयोग गरेर प्रवर्द्धन गरेको र आर्थिक लाभ लिएको आरोप लागेको छ।