बासी भातको खान दिएको निहुँमा सौतेनी आमाको हत्या

काठमाडौं। बासी भात खान दिएको निहुँमा एक युवकले सौतेनी आमाको हत्या गरेका छन् । सौतेनी आमाको हत्या आरोपमा एक जनालाई धनुषा प्रहरीले पक्राउ गरेको हो।

पक्राउ पर्ने भारत बिहारको बेतिया नरकटियागञ्ज थाना केयुनियाका २० वर्षीया प्रेम भगत छन् । उनी धनुषाको गणेशमान चारनाथ नगरपालिका(४ शिवनगर पथराईका अशोक जैसवालको घरमा डेरा गरी परिवारसहित बस्दै आएका छन् ।

प्रेमले कान्छी आमा ३९ वर्षीय मीरा देवी भगतको टाउकोमा काठको मुंग्रो बजारेर हत्या गरेको धनुषाका प्रहरीले जनाएको छ । प्रहरीका अनुसार शनिबार दिउँसो बासीभात खाने विषयमा विवाद भएको थियो । आवेशमा प्रेमले काठको मुंग्रो पछाडिबाटै सौतेनी आमाको टाउकोमा प्रहार गरेका थिए ।

मीरादेवीको घटनास्थलमै मृत्यु भएपछि उनले घटनालाई ढाकछोप गन शवलाई जलाइदिएको प्रहरीको अनुसन्धानबाट खुलेको छ । पक्राउ परेका प्रेमले आफ्ना बुवासँगै बसेर राजमिस्त्रीको काम गर्दै आएका थिए ।