बुटवल उपमहानगरको बजेट २ अर्ब ३५ करोड

काठमाडौं। बुटवल उपमहानगरपालिकाले आगामी आर्थिक वर्ष २०८०/८१ का लागि २ अर्ब ३५ करोड रुपैयाँको बजेट ल्याएको छ । उपमहानगर नगरसभाको १३ औँ अधिवेशनमा उपप्रमुख सावित्रादेवी अर्यालले उक्त पेश गरेकी हुन् ।

शिक्षा र स्वास्थ्य क्षेलाई मुख्य प्राथमिकतामा राख्दै कृषि, पर्यटन, रोजगार, उद्योग, व्यापारजस्ता क्षेत्रको समुन्नतिमा जोड दिएर २ अर्ब ३६ करोड ५४ लाख रुपैयाँको बजेट ल्याइएको उनले जानकारी दिइन् । बजेटको स्रोतमा संघीय सरकारबाट प्राप्त हुने समानीकरण अनुदानको ३० करोड १७ लाख, सशर्त अनुदानको ४७ करोड ९२ लाख, समपूरक अनुदान ८० लाख र विशेष अनुदान २ करोड रहेको छ ।

प्रदेश सरकारबाट प्राप्त हुने समानीकरण अनुदान २ करोड ३१ लाख ६९ हजार, सशर्त अनुदान २ करोड ९ लाख ५० हजार र समपूरक अनुदान २ करोड रहेको छ । राजश्व बाँडफाँडबाट प्राप्त हुने ३१ करोड ८५ लाख ३१ हजार र आन्तरिक आय ९१ करोड राजस्व संकलन गर्ने अनुमान गरिएको छ । चालु आर्थिक वर्षको बाँकी रकम २६ करोड ३८ लाख ५० हजार हुने अनुमान गरिएको छ ।