ताप्लेजुङमा पहिरोमा पुरिएर बाबु-छोराको मृत्यु

काठमाडौँ। ताप्लेजुङको सिदिङ्वा ६ मेहेलेमा गएको पहिरोमा पुरिएर आज बिहान बाबु-छोराको मृत्यु भएको छ।

उक्त पहिरोमा परेर मृत्यु हुनेमा सिदिङ्वा-६ मेहेले मुकुभञ्ज्याङका केशरकुमार राई र उनका छोरा सुरेश कुमार रहेको जिल्ला प्रहरी कार्यालय ताप्लेजुङका प्रमुख प्रहरी नायव उपरिक्षक राजन लिम्बुले बताए।

पहिरोमा पुरिएर गम्भीर घाइते भएका राईलाई उपचारका लागि जिल्ला अस्पताल लैजाने क्रममा मृत्यु भएको प्रहरीले बताएको छ।

पहिरोमा परेर थप एकजना भने गम्भीर घाइते भएका छन्।

सोही पहिरोमा परेका राजकुमार राई भने शक्त घाइते भएका छन्। उपचारका लागि लैजाने सबै बाटाहरु बन्द भएकाले विकल्प खोज्ने क्रम भईरहेको प्रहरीले जनाएको छ।