तीन दिन म्याद थपलगत्तै टोपबहादुरको बयान सुरू

काठमाडौं । नक्कली भुटानी शरणार्थी प्रकरणमा पक्राउ परेका नेकपा एमाले नेता टोपबहादुर रायमाझीको बयान सुरू भएको छ । अदालतबाट तीन दिन हिरासतमा राख्न अनुमति पाएलगत्तै प्रहरीले उनलाई बयानका लागि जिल्ला सरकारी वकिल कार्यालयमा लगेको हो ।

आजै पूर्वगृहमन्त्री बालकृष्ण खाँणलाई पनि बयानका लागि सरकारी वकिलको कार्यालय काठमाडौँमा लगिएको थियो । उनको बयान अझै पुरा नभएकाले भोलि पनि जारी रहने बताइएको छ ।

खाणको बयानपछि टोपबहादुरसँग बयान लिन थालिएको जिल्ला सरकारी वकिलको कार्यालयले जनाएको छ । पक्राउ पुर्जीपछि फरार रहेका रायमाझी ११ दिनपछि काठमाडौंको बूढानीलकण्ठबाट पक्राउ परेका थिए । यो प्रकरणमा हालसम्म १३ जना पक्राउ परिसकेका छन् ।