निजामती कर्मचारीको आन्दोलन स्थगित

काठमाडौं । निजामती कर्मचारीहरुले आफ्नो आन्दोलनका कार्यक्रम स्थगित गरेका छन् । उपप्रधान एवम् रक्षामन्त्री पूर्णबहादुर खड्काको नेतृत्वमा वार्ता समिति गठन भएपछि विभिन्न निजामती कर्मचारी सङ्गठनहरूले आन्दोलनका कार्यक्रम स्थगित गरेका हुन् ।

आफूहरुको मागको सम्बन्धमा वार्ता समितिले आज नै छलफल गर्ने तयारी गरेको नेपाल निजामती कर्मचारी युनियनले बताएको छ । वार्तामार्फत आफूहरुको माग सम्बोधन नभए थप आन्दोलनका कार्यक्रमहरु सार्वजनिक गर्ने युनियनले चेतावनी दिएको छ ।

सङ्घीय निजामती सेवा ऐनमा सरकारले आफ्ना सुझाव नसमेटेको भन्दै विभिन्न माग राखेर कर्मचारी सङ्गठनहरूले आन्दोलनको सुरु गरेका थिए ।