फरार सांसद कोइरीको विषयमा संसदमा विवाद, बैठक आधा घण्टालाई स्थगित

काठमाडौं । नेकपा एमालेका सांसद लक्ष्मी महतो कोइरीको विषयलाई लिएर विवाद भएपछि संसद बैठक आधा घण्टाका लागि स्थगित भएको छ । सभामुख देवराज घिमिरेले संसद बैठक आधा घण्टाका लागि स्थगित भएको बताएका हुन् ।

सभामुख देवराज घिमिरेका अनुसार उनी लगातार २१ वटा बैठकमा अनुपस्थित छन् । अनुपस्थितिको कारणमा बिरामी भएको भनिएको छ ।

एमाले सांसद कोइरी बिरामी रहेका कारण बैठकमा उपस्थित नभएको सूचना सुनाए पछि नेपाली कांग्रेसका सांसद रामहरि खतिवडाले विरोध जनाए । उनले विरोध जनाएसँगै कांग्रेस, माओवादी केन्द्र, राष्ट्रिय स्वतन्त्र पार्टी लगायतका दलका सांसदहरू उठेर विरोध गरे । सोही विरोधका कारण सभामुखले बैठक स्थगित गरेका हुन् ।