प्रतिनिधिसभा बैठक बस्दै, यस्ता छन् सम्भावित कार्यसूची

काठमाडौं। प्रतिनिधिसभाको बैठक बस्ने भएको छ । संघीय संसद् भवन बानेश्वरमा आज दिउँसो ३ बजे बैठक बस्न लागेको हो ।

आजको बैठकबाट संसदीय समितिको काम कारबाही सुरु हुनेछ । जसअनुसार संसदीय सुनवाइ समितिमा रहने सदस्यहरूको नाम मनोनयनका लागि प्रस्ताव गरिने छ ।

बैठकमा प्रतिनिधिसभा नियमावली २०७९ को नियम १८० अनुसार विशेष समिति गठन गर्नका लागि सांसद ईश्वरीदेवी न्यौपानेले प्रस्ताव पेस गर्ने तथा सांसद रघुजी पन्तले समर्थन गर्ने कार्यसूची रहेको संघीय संसद् सचिवालयले बताएको छ । संघीय संसद् सचिवालयका अनुसार संवैधानिक परिषद् सम्बन्धी विधेयक आजै पारित गरिने छ ।

प्रधानमन्त्री पुष्पकमल दाहाल प्रचण्डले संवैधानिक परिषद् ९काम, कर्तव्य, अधिकार र कार्यविधि० सम्बन्धी पहिलो संशोधन विधेयक २०७९ माथिको दफावार छलफल गरियोस् भन्ने प्रस्ताव प्रस्तुत गर्ने सम्भावित कार्यसूची रहेको छ । सो प्रस्तावलाई आजै निर्णयार्थ प्रस्तुत गरी पारित गरिने गरी कार्यसूची तयार गरिएको छ ।