प्रतिनिधिसभा बैठकलाई सम्बोधन गर्दै प्रधानमन्त्री

काठमाडौं । कांग्रेससँगको गठबन्धन तोडेर एमाले, रास्वपासँग सत्ता साझेदारी गरेका प्रधानमन्त्री पुष्पकमल दाहाल ‘प्रचण्ड’ ले बिहीबार प्रतिनिधिसभा बैठकमा सम्बोधन गर्ने भएका छन् ।

नयाँ सत्ता गठबन्धन बनाएपछि प्रधानमन्त्री प्रचण्डले संसदमा सम्बोधन गर्न लागेका हुन् । सत्ता समीकरण फेरबदल भएपछि फागुन २१ गते स्थगित भएको प्रतिनिधिसभाको बैठक बिहीबार बस्दैछ ।

यसअघि प्रतिनिधिसभामा तत्कालीन विपक्षी एमाले, रास्वपा लगायत दलहरुले मन्त्रीहरुको राजीनामा मागेका थिए । त्यसको जवाफ फागुन २१ गते दिनका लागि सभामुख देवराज घिमिरेले रुलिङ गरेका थिए । तर फागुन २१ गते प्रतिनिधिसभा बैठक स्थगित गरी २४ गतेका लागि बोलाइएको थियो ।