रवि लामिछानेले भने- गोलीले छेक्ने हो की बोलीले छेक्ने हो छेके हुन्छ

काठमाडौं । राष्ट्रिय स्वतन्त्र पार्टीका अध्यक्ष रवि लामिछानेले, आफूमाथि विभिन्न क्षेत्रबाट प्रहार भइरहेको भन्दै आफूलाई छेक्न चाहानेलाई खुला चुनौती दिएका छन् ।

आज बिहान उम्मेदवारी दर्ता गराउने क्रममा चितवनस्थित जिल्ला पार्टी कार्यालयमा उपस्थित समर्थकलाई सम्बोधन गर्दै उनले भने ‘कसलाई कसरी छेक्न मन छ, आफ्नो गक्ष अनुसार, आफ्नो बुद्धि अनुसार, आफ्नो विवेक अनुसार छेके हुन्छ, गोलीले छेक्ने हो की बोलीले छेक्ने हो हामी सबै कुरा फेस गर्न हामी सबै कुरा सामना गर्न तयार छौं ।’

उनले राष्ट्रिय स्वतन्त्र पार्टीले उपनिर्वाचनमा होनहार युवाहरूलाई उम्मेदवार बनाएको भन्दै उनले आफ्ना उम्मेदवार विरुद्ध षड्यन्त्र नगर्न चेतावनी दिए ।