नेकपा सचिवालय बैठक स्थगित, यस्तो छ कारण

 काठमाडौं । शनिबारका लागि तयर भएको नेपाल कम्युनिष्ट पार्टी (नेकपा) को सचिवालय बैठक स्थगित भएको छ ।

सचिवालय सदस्यसमेत रहेका उपप्रधानमन्त्री तथा रक्षामन्त्री ईश्वर पोखरेल र गृहमन्त्री रामबहादुर थापा आइसोलेशनमा बस्नुपर्ने भएकाले बैठक स्थगित भएको हो ।

कोभिड–१९ संकट व्यवस्थापन सेन्टर (सीसीएमसी) मा कार्यालय सहयोगीलाई संक्रमण देखिएकाले दुबै नेता होम आइसोलेशनमा बसेका छन् । स्थगित भएको बैठक आगामी बिहीबारको लागि तोकिएको छ । 

यसअघि शनिबारको बैठकमा नेकपा कार्यदलले बुझाएको प्रतिवेदन पेश गर्ने कार्यतालिका थियो । सचिवालयबाट सो प्रतिवेदन पास भएलगत्तै स्थायी समिति बैठक बोलाउने तयारी रहेको थियो । 

तर पछिल्लो घटनाक्रमले यी सबै कार्यतालिका कम्तिमा एक हप्ताका लागि सरेको छ ।